ILOCOS NORTE
Ang Ilocos Norte ay isang lalawigan sa ating bansang Pilipinas na nasa rehiyon I. Ito’y matatagpuan sa hilagang bahagi ng Luzon at ang hanggangan nito sa silangan ay ang mga lalawigan ng Apayao at Cagayan at sa timog naman ay ang Ilocos Sur at Abra. Kung atin namang pag-uusapan ang klima, hindi ito nalalayo sa ibang lugar sa bansa na mayroong magkapantay na distribusyon ng ulan at araw. Hindi maipagkakaila na kilalang-kilala ang lalawigang ito bilang teritoryo ng mga Marcos. Bakit? Aba syempre, dito lang naman ang kapanganakan ng ating dating Pangulong Ferdinand Marcos. Teka teka! Mayroon pa! Kilala rin ito bilang isang lalawigang panturismo sa hilaga kung saan matatagpuan ang bantog na “Fort Ilocandia.” May ideya na ba kayo kung ano ito? Bakit kaya ganito ang tawag sa lugar na iyon? Anu-ano ang mga tanawin na makikita dito? Napakadaming katanungan pero ito ang aking sinisigurado sainyo, kayo’y mamamangha at mabibighani sa ganda ng Ilocos. VAMOS ILOCOS!AKOMODASYON : JAVA HOTEL
10:00 ng gabi ay umalis na kami sa Maynila upang pumunta sa aming destinasyon – Ilocos. Makikita ang pananabik sa mga matang kumikislap na mas makinang pa sa diyamante. Hindi mapakali at para bang mga kiti-kiti sa sobrang excited. Kami’y magkakasama sa iisang van at naroon rin ang aming tour guide na mabulaklak ang bibig.
8am ng kami’y makarating sa hotel. Hindi pa kami nakakababa ay sinalubong na agad kami ng mga staff at service personnel na mayroong ngiti sa mga labi. At doon pa lang ay inyong mararamdaman ang “so sweet and hospitable” feeling. Oh diba, bongga! Bumungad sa aming mga mata kakaibang theme ng hotel. Mga pambihirang hotel features. Infairness, ako’y naimpress.
MAGAGANDANG TANAWIN SA ILOCOS
Dreams for all seasons!
BALUARTE NI CHAVIT
Ang una naming destinasyon ay ang Baluarte ni Chavit Singson. Ito’y 10 minuto biyahe mula Vigan City. Minsay, ito ay tinatawag bilang Chavit’s Fortress. Tulad ng ibang zoo, ang Baluarte ay isang wildlife sanctuary na mayroon ring dedikasyon sa edukasyon. Para ka na ring nasa educational tour. Nakadayo kana sa ibang lugar, may natutunan ka pa. Sa zoo na ito, maari kang makipaglaro o magkaron ng interaksyon sa mga hayop. Maari ka ring makipag picture taking sa Bengal tigers,, kailangan mo nga lang ng lakas ng loob. Hahaha! Ang isa pang pwedeng gawin dito ay ang pagsakay sa “Tiburin.” Tila bago sainyong pandinig, tama? Ito ay parang camel na may maliit na horse-drawn carriage. Mayroon din ditong peacocks, civet cats, iguanas, pythons, swans, flamingos, ostrich, at marami pang iba.
Noong kami’y nagpunta, may mga pasilidad pang under construction kaya hindi gaanong kasulit. Mayroon silang ginagawang dagdag atraksiyon, ang butterfly garden. Ang aking masasabi tungkol dito ay kailangan pa ng karagdagang pagpaplano sa pagpapanatiling malinis at maganda ng lugar.
BANTAY CHURCH at BELL TOWER
Habang naglalakad pa lang ay tanaw mo na ang kamangha-manghang istruktura ng Bantay Church. Tila mapapatigil ka at masasabing “Thank you, Lord! Worth it ang Ilocos ko.” Sa loob ng simbahan ay mayroong maliit na silid para sa mga deboto ni Mama Mary. Malaki ang espasyo ng Bantay Church at hindi ka mauubusan ng upuan.
Ang Bantay Bell Tower ay kalapit lamang ng Bantay Church. Makikita mo ito kaagad sa labas ng simbahan. Tanging kami lang ng aking tita ang pumunta dito upang magpapicture taking dahil sa tindi ng sikat ng araw. Ngunit ano naman? Busog naman ang aking mga mata sa ganda ng tanawin.
MARCOS MUSEUM
Hindi maaring kaligtaan kapag ika’y nagpunta sa Ilocos ang Marcos Museum. Dito nakahimlay ang ating dating pangulong si Ferdinand Marcos. Nasa loob ng museum ang kanyang mga nagawa o kontribusyon sa Pilipinas. Mayroon itong opisina para sa kanyang responsibilidad sa bansa. Mahigpit na ipinagbabawal dito na kuhanan ng litrato ang katawan ng dating Pangulo. Kaya’t hanggang tingin lamang talaga at mayroon distansya upang hindi ito mahawakan. Ngunit kahit ganoon, makakailang ulit ka naman na pabalik balik dahil maamaze ka talaga kung paano nila nagagawang panatilihin ang patay na katawan ni Marcos.
PAOAY SAND DUNES
Isa sa mga hinding hindi ko makakalimutan na tour ay ang Paoay Sand Dunes. Pagkaramdam ko pa lamang ng buhangin sa aking mga paa, para na akong nasa ibang bansa, desert feels! Hapon na noong kami ay nagpunta dito upang hindi masyadong tirik na tirik ang araw. Ayaw naming maihaw sa initan at maging uling. Hahaha! Mayroon silang 4x4 na sulit para sa barkada o pamilya ngunit may kamahalan lamang kaya iready nyo ang inyong mga bulsa. Ang standard rate dito ay 2500 good for 5 persons. Mabilis ang pagpapaandar at tila magugulo ang inyong mundo pero huwag mag-alala, dahil magkakaroon kayo ng fantastic time. sinubukan ang ATV at sa una’y kinakabahan pa ko dahil hindi ko alam kung paano ito gamitin at paandarin. Ngunit kinalaunan ay natuto na ko. Carry na carry ito ng inyong powers!
Perfect ito for adrenaline junkies. Para kayong nasa rollercoaster ride while standing up.
BANGUI WINDMILLS
Lahat ng turista pati na rin ako ay inaabangan ang pagpunta sa Windmills. Aking naiimagine na ako’y makakakita ng isang malaking malaking electric fan. Abot hanggang tenga ang ngiti sa aking mga labi ng makita ko na ang mga ito ng personal. Ang Windmill na dati rati ay sa picture ko lamang nakikita ay nakita ko na sa personal, sa aking mismong mga mata. Nonstop picture taking, jump shot, selfie pati na rin wacky shot hindi ko pinalagpas. Oh diba, first timer na first timer hahaha!
Aking nirerekomenda na bumili kayo ng mga pasalubong dito dahil mas mura, mas makakatipid kayo. Silay’y nagbebenta ng tshirt, keychain, palawit sa bahay, pen holder, accessories, at marami pang iba.
Ito ang aking “WINDY LARGER THAN LIFE EXPERIENCE”. Kada ikot ng turbines ay nagdudulot saakin ng kapayapaan kasama ng kapaligiran. Ramdam mo ang haplos ng hangin sa iyong muka dahil na rin malapit ito sa dagat.
KUPURPURAWAN ROCK FORMATION
Tanghaling tapat nang aming marating ang Kapurpurawan. Madaming turista. Ramdam na ramdam ang pawis na tumatagaktak sa aming mga katawan. Ang Kapurpurawan ay kilalang kilala sa creamy white and streamlined limestone formations nito. Kaya ganito raw ang hugis ng mga rock formation ay dahil sa iba’t-ibang oceaning and weather forces. Sinong mag aakala na magdudulot pala ito ng isang magandang tanawin at dadayuhin ng mg tao mula sa iba’t-ibang lugar.
Kung ayaw nyong maglakad, maari kayong sumakay sa kabayo na nirerentahan dito. Ngunit mas mainam siguro na huwag nyo ng itry ang pagsakay dito dahil ang dami kong nakitang mga nagwawalang kabayo at muntik pang mahulog ang isang turista. Iwas aksidente na rin para sigurado.
Ang aking masasabi para sa mga taong hindi pa nakakapunta dito ay “Go and see it before it vanishes”.
SAUD BEACH RESORT
Ito ang naging highlight ng aking Ilocos tour. Para bang ako’y nanaginip at akala ko ay nasa Boracay na ako. Pinong-pino ang buhangin, mas maputi pa kaysa sa aking kutis. Matatanaw mo ang tila bang walang hanggang karagatan na singkulay ng mga ulap sa langit. This was my pleasant surprise. Hindi ito isang pipichuginna beach lamang, tila mas maganda pa ito kaysa sa mga beach sa Batangas. Tanaw na tanaw mo ang paglubog ng araw at likas na ganda ng kapaligiran. Maari kang magluto at bumili ng pagkain sa labas para mas makatipid. Mayroon din silang buffet service. Ang mga lifeguard ay talagang nakafocus sa mga turistang lumalangoy sa dagat kaya’t ikaw ay makakampante.
CALLE CRISOLOGO
Bago kami bumalik sa realidad, huli naming pinuntahan ang Calle Crisologo. Ito ang major attraction sa Vigan. Narito ang mga heritage village o mga bahay noong panahon ng pananakop ng mga Espanyol. Sa halagang 150 pesos, maari ka ng sumakay sa kalesa, isang lumang estilong kolonyal at iyong mararamdaman ang historic vibe. Kapag gabi na, mas mararamdaman mo ang feeling na walking back in time. Para bang ikaw ay nagteteleport at hawak mo sa iyong mga kamay ang oras. So dramatic yet fantastic.
.
