A City in a City by Rica Leanne M, De Guzman

STAR CITY

MARCH 4, 2016       BY: RICA LEANNE M. DE GUZMAN

Gusto mo na bang mag-relax mula sa napakastressful mong school works o trabaho? Gusto mo na bang mapahinga mula sa mga terror mo na professor at sa demanding mo na boss? Kung oo, may alam akong lugar kung saan ay mag-eenjoy kang tunay!

Sa abot kayang halaga at hindi nakakabutas bulsa na presyo ay makakaranas kang makapag-enjoy at makapagpahinga nang hindi na iniisip pa ang pag-aaral at trabaho. Isa pa, ito ay madali lang puntahan dahil sa malapit ito.

Tara na sa Star City! Oo. Alam kong masyado nang common ang lugar na ito. Ngunit sa tingin mo ba ay nagawa mo na ang lahat ng magagawa mo rito? Sa sobrang dami ng pwede mong gawin sa Star City ay baka kulangin pa ang isang araw sa iyo!

Ipapakita ko sa blog na ito ang mga iba’t ibang libangan na matatagpuan sa Star City! Dito mo makikita kung gaano talaga kaganda, kasaya, at karelaxing ang pagpunta rito! Talaga nga naming hindi ka manghihinayang sa pagpunta mo rito.

RIDES AND ATTRACTIONS

EXTREME RIDES

STAR FLYER

Sinasabi na ito ang natatanging “Inverted Roller Coaster” sa Pilipinas. Ipinararamdam nito sa nakasakay dito kung ano ang pakiramdam ng lumilipad habang ang katawan mo ay tila nakataob. May bilis ito na talagang mas ikinakasaya ng mga sumasakay dahil sa dagdag nitong “thrill”. Ito ang isa sa mga rides na dinadayo ng mga taong bumibisita sa Star City. Madalas nga lang na mahaba ang pila sa ride na ito ngunit tiyak na sulit ang paghihintay mo dahil sa saying idudulot sa iyo ng ride na ito.

JUNGLE SPLASH

Ito ang isa sa mga pinakadapat mong sakyan na ride sa Star City kung nais mong mag-enjoy na tunay! Subalit, kung ayaw mong mabasa ay hindi kita mapapayuhang sakyan ang ride na ito. Talagang mapapakaba ka sa pagsakay mo rito dahil mula sa napakataas na bahagi ay bubulusok ka pababa at malaki pa ang posibilidad na mabasa ka. Sa aking karanasan ay halos bumaliktad ang sikmura ko sa sobrang kaba ngunit sa bandang huli ay tila gusto kong umulit dahil sa saya at tuwa na naidulot ng ride na ito sa akin.

 SURF DANCE

   

Sa bawat paggalaw nito ay tila nakikisabay ang nakasakay dito sa bawat ikot, angat, biglaang pagbaba, at iba pang twist na mayroon ang ride na ito.Talagang maghahalu-halo ang emosyon ng nakasakay dito mula sa pagkakatuwa, pagkakaba, pagkasaya, pagkaenjoy, at kung ano pa man. Hindi masyadong matunog o common ang ride na ito dahil hindi ito madaling makita. Nasa bandang gilid kasi ang ride na ito ngunit kapag ito’y nasubukan mo na ay tiyak na babalik-balikan mo ito.

ATTRACTIONS

STAR DOME

Sa atraksyon na ito ay talagang mabibihag at maakit kayo dahil sa ang mga mystical creatures na sa libro o sa mga pelikula mo lamang nakikita ay mabubuhay dito. Sila ay makikita gamit ang 4D o 4 Dimensional na feature ng atraksyon na ito. Mas kapansin-pansin o mas kaakit-akit ang atraksyon na ito sa mga bata.

SNOW WORLD

Gusto niyo bang makaranas ng “snow”? Kung oo, subukan ninyo ang “snow world” na atraksyon ng Star City kung saan ay makakaranas kayo ng snow at makikita niyo rin ang sinasabing pinakamalaking snow slide sa bansa! Sino ang nagsabing sa ibang bansa lamang makakaranas ng snow? Mayroon din sa Star City! Kailangan lamang ay magsapatos kayo bilang bahagi ng patakaran ng atraksyon na ito. Talaga nga naman kasing malamig sa loob nito. 

PIRATE ADVENTURE

Ang atraksyon na ito ay bagay na bagay para sa mga bata. Ngunit, maganda rin naman ito kung gusto niyong magbonding na pamilya. Habang nakasakay sa isang bangka ay maglalakbay ka na parang isang tunay na mandaragat. Makikita at mararanasan mo sa loob ng atraksyon na ito ang pambihirang karanasan ng mga pirata. Makikita mo ang iba’t ibang kagamitan ng mga pirata sa loob nito, mga gamit na madalas makita ng mga bata sa cartoons na kanilang pinapanuod. 

FAMILY RIDES

DRAGON EXPRESS

Ang tema ng ride na ito ay tila ang mga nakasakay ay nasa bansang Tsina. Isa itong mini roller coaster na hindi lamang para sa mga bata kung hindi ay pupuwede rin para sa iba pang miyembro ng inyong pamilya. Bibigyan kayo ng ride na ito ng tila "mini heart attack" dahil sa thrill na mararamdaman mo habang nakasakay dito. 

OTHERS

Maraming pupuwedeng kainan sa loob ng Star City kaya tiyak na ikaw ay hindi gugutumin dito. Kailangang-kailangan mo ng break mula sa tuloy-tuloy na exciting rides na mararanasan mo rito. Panigurado na mabubusog ka mula sa mga pagkain dito dahil ang mga ito ay kilalang pagkain na tiyak na tatakamin ka. Ilan lamang dito ang Kenny Roger’s Roasters, El Bonito’s, at Potato Corner. Mayroon ding pagkain na pang-snack para sa mga bata gaya ng ice cream, at iba pa. Kaya naman ay tiyak na kumpleto ang masayang experience mo sa Star City! 

HOURS AND DIRECTION

  Lunes hanggang Sabado- 4:00 PM onwards

Biyernes, Sabado, at Linggo- 2:00 PM onwards

Ang Star City ay matatagpuan sa loob ng Cultural Center of the Philippines (CCP) Complex sa lungsod ng Pasay.

FOOD AND BEVERAGE

 Maraming pupuwedeng kainan sa loob ng Star City kaya tiyak na ikaw ay hindi gugutumin dito. Kailangang-kailangan mo ng break mula sa tuloy-tuloy na exciting rides na mararanasan mo rito. Panigurado na mabubusog ka mula sa mga pagkain dito dahil ang mga ito ay kilalang pagkain na tiyak na tatakamin ka. Ilan lamang dito ang Kenny Roger’s Roasters, El Bonito’s, at Potato Corner. Mayroon ding pagkain na pang-snack para sa mga bata gaya ng ice cream, at iba pa. Kaya naman ay tiyak na kumpleto ang masayang experience mo sa Star City!

SOUVENIRS AND HANDICRAFTS

 Para hindi mo malimutan ang napakasayang experience mo sa Star City, pupuwede kang bumili ng souvenir sa kanilang souvenir shop. Ilan lamang sa mga souvenirs na maaari mong mabili rito ay ang mga unan, stuff toys, mga damit (pambata, panlalaki, o pambabae man), mga mug, keychain, at kung ano pang mga accessories. Ibinebenta ang mga kagamitang ito sa murang halaga lamang. Kaya naman ay hinihikayat ko kayong bumili rito ng sa gayon ay may maitatabi kayong bagay na makakapagpaalala sa inyo ng maganda at masayang karanasan ninyo sa Star City. Bili na rito!

PRICE AND PACKAGES

ADMISSION FEE: Php 70.00

Ito ay pang-entrance lamang sa Star City.

3 CHEERS TICKET: Php 390.00

Makakasakay ka sa tatlong rides na ikaw din mismo ang mamimili!

RIDE-ALL-YOU-CAN: Php 450.00

Unlimited access sa mga kiddie rides, Family rides, Older kid, Teen, and Adult rides, Extreme rides, at Attractions!

SNOW WORLD: Php 150.00

Unlimited na Entrance sa Snow World!

STAR DOME: HEART OF THE DRAGON: Php 90.00

Ito ay good for one entry.

LAZER BLASTER: Php 100.00

Ito ay good for one game.

SCREAM AVENUE: Php 120.00

Ito ay good for one screen showing.

Ang mga batang may tangkad na 34 pulgada pababa ay libre na pagdating sa entrance! Ngunit, kung sila ay sasakay sa rides ay kailangan nila ng kasamang matanda na papatnubay o gagabay  sa kanila sa ride na kanilang napili. Ang mga bata naman na may tangkad na mas maliit sa 30 pulgada ay maaaring makapasok ng libre ngunit hindi maaaring sumakay sa kahit anong ride para na rin sa kanilang kaligtasan.