Ang Natatagong Yaman ng 'Nueva Ecija' by Sandra Salvador

Naghahanap ng bago? O di kaya naman ay pagod na sa paulit ulit na destinasyon tuwing 'summer vacation'?Estyudante ka ba na maraming ginagawa? May trabaho ka, na hindi mo maiwanan pero gustong maranasan ang isang ‘worth’ na bakasyon? Wala kang pera na pambiling ticket sa nag-gagandahang destinayon sa bohol at Palawan.Mahilig ka ba sa Adventure? Kung konti lang ang budget at konting oras lang ang mayroon ka, tara na sa Nueva Ecija at maranasan ang kakaiba at bagong atraksiyon na ngayon mo palang makikita o maririnig. Ang Minalungao National Park.

Ang Minalungao National Park ay matatagpuan sa General Tinio, Nueva Ecija sa gitnang Luzon. Ito ay tagong lugar na matatagpuan sa ibabang bundok ng Sierra Madre kung saan ang malaberdeng tubig na umaagos ay nanggaling pa sa bundok at hindi lang iyon may mga nakapalibot pa na limestone sa katubigan.

Ang lugar na ito ay isa na lang sa mga natitirang “Natural Environment” sa rehiyon na ito. Kabilang ito sa mga tinatawag na eco-tourism na destinasyon kung saan mararanasan ang makahugot hiningang tanawin, kumikislap na berdeng tubig at mga nakakahangang stone formation. Dito din ay matatagpuan ang mga di pa nadidiskobreng mga kweba sa ilalaim ng lupa. Dito ay maari kang maligo, mag cliff diving, umakyat sa bundok, magpicnic kasama ang mga mahal sa buhay at marami pang iba.

                                                                                                                                                                               

Paano nga ba pumunta sa Minalungao National Park?

Kung galing ng Maynila kailangan mo lang pumunta sa mga bus terminal sa Pasay, Second Avenue o sa Cubao. Sumakay ka lang sa bus na ang nakalagay ay Papaya kung saan magbabayad ka ng 180 pesos kung hindi student at 140 pesos naman kung ika`y estyudante o seῆor. Ang byahe pa-Papaya ay aabutin ng apat na oras depende sa traffic. Pagkadating sa Municipal ng Papaya ay ikaw ay sasakay ng tricycle papuntang Minalungao National Park na nagkakahalaga ng 100 pesos kahit ilan kayo.

Pero para sa akin mas maganda kung magdala ng bisikleta para maranasan ang pagba biking sa mga bundok.

Habang nagbibisikleta ay malalasap ang sariwang hangin ng probinsya. Dalawa ang maari mong daan papunta sa naturang Park. Una ay ang nakasiyementong daan pangalawa ay ang matatarik at medyo maalikabok na daan para sa mga gusto talaga ng adventure.

Kung ako ang tatanungin mas magandang dumaan sa mataatrik na daan kung ikaw ay may dalang bsikleta para maransan ang tunay na pag ba biking sa bundok pero kung ikaw ay nakasasakyan at hindi naman 4x4 ay mas mainam na dumaan na lang sa syementong daan.

Ang minalungao national park ay may entrance fee na 30 pesos lang para sa mga matatanda at wala naming bayad para sa mga 7 pababa na bata. Kung may dala kang saasakyan ay magbabayad ka ng 50 pesos para sa Parking di ba ang mura lang? Sinasabing ang bayad na ito ay nakakatulong sa pagpapanatili ng ganda ng lugar. Ang bayad din na ito ay naaprubahan ng mga lokal na gobyerno.

Pagdating sa pinakalugar ay tatanungin ka kung gusto mong kumuha ng cottage o ang gusto mo lang ay magikot ikot at kumuha ng litrato. Ang bawat cottage o kubo ay nagkakahalaga ng 150. Ang mga kubo na ito ay sa mismong harap ng malaberdeng tubig na kaonting talon mo lang ay nasa tubig ka na. Sa kubo ay maaring ibaba ang mga dalang gamit o kaya naman ay magpahinga saglit sa gitnan ng mahaba mahabang byahe. Habang magnilay nilay ay matatanaw mo na ang mga batong nakahulma at nakapaligid sa berdeng katubigan na nanggaling pa sa itaas ng bundok.

Ang kahanga-hanga dito ay talagang parang nakapunta ka na sa Palawan at makakita ng mga kakaibang rockformations at ang katubigang maaring ka pang maligo o kaya gamitin ang mga rock formation bilang tungtungan at mag cliff diving. Hindi dapat magaala subalit ang kababagsakan ay malalim, na sa sobrang lalim ay baka lumagpas ng dalawang tao. Natural na malamig ang tubig at kapag gabi ay kusang nawawalan ng lamig ang tubig. Ang tubig din na ito ay malinis at halos nakikita mo na ang mga bato sa kalinawan ng tubig.

Gusto mo ba ng mas adventure sa grotto ng Baguio ang 100 steps? Kung ganoon ay mayroon ang Minalungao National Park niyan. Ipinagmamalaki  nila ang 1000 steps na siguradong mapapasubo ka kapag ikay sumubok dahil nakaksigurado kong nakakapagod kaya’t magdala ng tubig o kaya naman ay magsapatos para hindi masaktan ang paa dahil ang dadanan ay hindi kakinisang hagdan. Habang nasa daan ay matatagpuan ang mga cremate na katawan ng mga yuamong naging malaki ang parte sa pag tatayo ng Minalungao National Park. Magiging sulit naman ang pag akyat sa 1000 steps dahil sa ituktok ay matatgpuan ang banal na Krus ni Jesus kung saan ay dinadayo din. Kasing taas ang krus ng poste ng Meralco na gawa sa mga salamin. Sa tuktok di ay makikita mo din ang bundok ng Sierra Madre at halos matatanaw ang malalayong mga bayan.

Kweba ba ang hanap? Ang park ay may mga kwebang hindi pa nadidiskubre sa ilalim ng mga stone formation pero sa ngayon ay dalawa ang nakabukas para sa public. Kapag ika’y nagpunta sa kweba ay dadaan ka sa mga matatarik na bato kung saan ay kailangan mong magsapatos para hindi dumulas ang iyong mga paa. Dito ay parang nakasubok ka nang umakyat sa matarik na bundok. Pagkadating sa kweba ay may ilang pinagbabawal, ito ay ang pagkakalat o pagiiwan ng kahi anong dumi sa loob ng kweba at syempe ang pangunguha ng mga limestone sa loob. Maari kang kumuha ng pictures pero ingat ingat din dahil sa pagpasok sa loob ng kweba ay maghihirap kang akyatan ang mga bato o kaya’y tumalon ng kaonti. Sa loob ay kakailanganin mo ng flashlight kahit ang ilaw sa selpown ay pupede. Pag-nakapasok na sa loob ng kweba ay mayroon kang makikitang mga limestone na nakadikitsa mga gilid na pinagbabawal kunin.

Mga aktibidad sa loob ng National Park

Habang nag lili-aliw sa park ay maari kang maligo sa malinis na tubig, magcliff diving o kaya naman ay magfishing at iihaw sa mga gilid ng kubo. Maari mong subukan ang kanilang Zip Line na mahaba at nakakaenjoy lalo na kapag may kasama. Ang kanilang zip line ay nagkakahalaga lamang ng 100 pesos kada tao balikan na iyon. Ang zip line ay tumatawid sa katubigan. Maaring pagdalawahan ang pag zizipline pero maari ring pang isahan kung walang kasama. Pero kung ako tatanungin ay mas maganda kung ika’y may kasama sapagkat mas mabilis ang iyong pag zizipline mas masarap dahil nakukuha mo at nalalanghap ang sariwang hangin. Ang pagzizipline ay pasuperman ang iyong posisiyon at sinisigurado nilang laging ligtas ang pag zi-zipline.

Mayroon din silang tinatawag na hanging bridge na gawa sa bakal. Sa una ay magangatog ang tuhod mo sa takot pero masaya siya kapag nasanay ka na. Ang hanging bridge ay ay may kataasan at sinisigurado kong ito’y ligtas sa mga taong bumibisita dito.

Ang pagkuha ng cottage sa gitna ng tubig ay isa rin sa dinadayo rito. Sapagkat maari kang kumuha ng balsa kung tawagin at maari itong hiramin kasama ang isang lokal na residente na mag asist kung saan mo gustong pumunta. Sa balsa ay maari ka na rin kumain habang iniikot ka ng tour guide.

Mga Pagkain hmmm.

Ang pagkain sa minalungao ay hindi kailanman magiging problema dahil sa gilid ng park ay makikita ang mga nakahelerang tindahan kung saan ay maari kang bumili ng mga papakin katulad ng chichirya, cornic at marami pang iba. Doon din ay maari kang makabili ng mga inumin. Kung gusto naman ay mga inihaw, maaring ikaw mismo ang manghuli ng gustong ihawin. Sa park ay may nakadestinong lugar para sa pangunguha ng mga isda lalo na ang kanilang espesyalti ang Hito. Dito ay maari mong ihawin ang mga nahuli sa pamamagitan ng ibibigay nilang uling at Walah! mayrron ka ng masasarap na pagkain. Ang pag kain sa park ay napakatradisyunal dahil hindi ka maaring gumamit ng kahit anong plato o kubyertos dahil tanging dahon ng saging at iyong mga kamay ang maaring mong gamitin.

Ang park ay hindi nagaalok ng akomodasyon dahil na rin siguro sa kanilang ini ingatan na lugar kung kayat hindi basta basta ang pagpapagawa ng kahit anong establishimento dito. Ang pinakamagandang punta dito ay aalis ng madaling araw at uuwi ng hating gabi. Kahit sa maikling oras ay maari mo ng maienjoy ang bakasyon. Kung gusto namang tumagal ay mayroong mga inn sa Papaya kung saan una kang bumaba, na natitiyak kong kong pasok sa bulsa.

Ang gabi sa park ay isa rin sa pinakamasayang parte ng pagpunta dito dahil nagbubukasan ang mga nag-gagandahang ilaw sa paligid. At para sabihin lang ay ang Minalungao ay walang kahit anong ginagamit na kuryete dahil sila ay Solar power lang kumukuha ng kuryente dahil nga sa ang Minalungao ay nasa gitnang bundok at hindi na nakaabot ang pag susuplay ng kuryente.

Ang pagpunta sa isang destinasyon ay marami kang kailangang alalahanin budget, oras mo, o kasama mo. Pero ang pinakamasayang parte ng iyong paglalakbay ay iyong may kasama ka at sabay ninyong mararanasan ang ganda ng isang lugar lalong lalo na sa isang Minalungao National Park.